*** التــــــــــــــــــــــــاج ***

التاج مهدي من:
Sad Angel

اسمك؟
Hams Almasha3r

سنك ؟
21

اسم مدونتك ؟
Hams Almasha3r

مجال دراستك ؟
تجارة

هل فكرت فى إغلاق مدونتك ؟ والسبب ؟
لا طبعا ومش هفكر
لانها بتعبر عن مشاعرى واحساسي

إيه رد فعلك لو حد قل من أدبه عليك فى المدونه ؟
اكيد هحرج منه
وهمسح رده من على المدونه

أسوء مدونه دخلتها ؟
مقابلتش لحد دلوقتى

هيحصل إيه لايميلك بعد ماتموت ؟
هورثه لعيالي هكتبه فى الوصيه

اديت الباسورد لحد قبل كده ؟
مرة واحدة بس

السفر بالنسبه ليك ؟
بحس براحه نفسيه فى تغير الجو والمناظر

المود بتاعك إيه؟
حاليا ... مودى مش قوى بس الحمد لله على كل شئ


بتعمل إيه فى وقت فراغك ؟
بكتب على النت
بكلم صحابي
احيانا بحب اكون لوحدى

الأكلات المفضله ؟
مكرونه بشاميل ورقاق باللحمه المفرومه
وملوخيه بالجمبري

الصفات التى اخدتها عن والدك ؟
الهدوء والالتزام والعقلانيه

الصفات اللى اخدتها عن والدتك ؟
العصبيه واللى فى قلبي على لساني والطيبه الزايدة وتحمل المسئوليه

اكتر 6 حجات بتحبهم ؟
الحــــــــــــــــــــــــــــب
الورد والديكور شعر نزار قباني الرومانسيه والتسامح

اكتر 6 حاجات بتكرهم ؟
الخيانه و الكدب الغـدر و القسوة الجــرح و الالـم

شخصيتك نوعها ايه ؟
رومانسيه جدااااااا
حساسه جدا وزعلى قريب منى
نقطه ضعفي زعل اللى بحبه منى
بزعل بسرعه بس بروق بسرعه
وبعشق ابتسامه عيون حبيبي

لماذا دخلت عالم التدوين من الأساس ؟
عن طريق دليل المدونات ساسو
وطلعت عنيها هى والاستاذة ساد انجل
اينعم انا لسه بطلع عنيهم بس مبسوطه
لانى قدرت اطلع من جوايا مشاعر جميله
وقدرت اعبر عن احساسي بشئ جميل هيستمر معايا طول العمر


اهميه التعليقات بالنسبه لك ؟
بعتبرها حكم عليا وعلى مدى تغيري سواء للاحسن او للاسوء
ومش بزعل من اى تعليق وبحاول استفيد منه


احلى بوست كتبته؟ مع ذكر السبب ؟
( ليتني اتحلى بالنسيان ) لانى اتمنى انى اتحلى بالنسيان

افضل مدونه قريتها ؟
اللى ضيفاهم عندى


اهميه الانترنت بالنسبه لك ؟
بيوسع دائرة معارفي
وبطمن منه على صحابي
وبقضي عليه وقت طويل وبيسليني

اهداء التاج ؟
مش ههديه لحد لان كلهم جاوبوا واهدهولى